Testing

'Kala ko talaga dati itlog si Humpty Dumpty.

Kaya lang naalala ko ulit kanina (habang nakatingin sa panot na asa harapan ko sa bus) yung tanong ni Frack McCourt sa kanyang mga estudyante: itlog nga ba si "Humpty Dumpty?." Oo nga naman. Wala namang sinabing "Humpty Dumpty, the egg, sat on a wall." Nung natapos ko yung nobela desido na ako na hindi nga necessary na itlog si Humpty. Pero hindi ko pa rin alam kung anu siya.

Tinanong ko na ito dati kay Nanay. Sabi niya itlog nga si Humpty. Tinanung ko kung paano nangyari yun. Sabi niya, "Basta (,ituloy mo na lang yang nilalabhan mo at gabi na)."

Tapos may bagong tanung na pumasok sa utak (ulo) ko kanina: "Sino ba ang nagsabi na itlog si Humpty Dumpty?." Naku, patay na naman. Hindi ko nga alam kung anu si Humpty Dumpty, tinanong ko pa kung sinu nagsabing itlog nga siya."

Kasi naman, halos lahat ng kakilala ko sabi itlog nga si Humpty. Eh, hindi naman na iyon ang tanung ko. Ang bagong gumugulo sa isip ko ay kung sinung hinyupak ang nagpakalat ng misleading na impormasyong itlog nga si Humpty. Pati Nanay ko pinagtripan.

Hayaan mo nay, ipaghihiganti kita. Hahanapin natin ang gagong nagsabi sayo na itlog nga si Humpty.


P.S. Marunong na pala ako mag-link. Click mo lang yung Humpty Dumpty na naka-underline lalabas na yung entry sa Wiki. Galing noh?

Matagal-tagal na rin

July pa ata nang huli akong magpaskil dito.

Nakalimutan ko na rin kasi na meron pa pala akong ganito. Requirement lang kasi ito sa klase. Kaya ayun, kinatamaran ko na rin ituloy matapos kong maipasa yung klase. Anu nga ba ang orihinal na intensyon ng blog na ito? Medyo mataas pangarap ko nuon.

Matagpuan ko lang ulit ito nang turuan ako ng kasama ko sa trabaho na mag-ego surfing. Ayun, may tatlong lumitaw na site. Isa yung sa deviantart account ng anak ko. Ginamit niya kasi yung ginuhit ko sa lay-out niya (+1 ego point). Yung isa nung pumasa ako sa Civil Service Exam (+1 na naman). At yung huli ay eto nga, yung blog.

Binasa ko mga dating laman nitong blog ko. Ganun pa rin naman ang nararamdaman ko. Nag-iba nga lang ang level of conviction ko. Parang hindi ko na rin kayang pangatawanan ng buong-buo ang dating blog description na nilagay ko.

Pero kailangan sumulong. Kailangan ko uli magsimulang magsulat. Para kanino? Sa masa sana ang isasagot ko pero sigurado ba ako na sa masa nga nakatuon ang enerhiyang ilalabas ko? Hindi ko pa masasabi. Siguro, ang gusto ko na lamang muna ngayon ay lumikha ng sarili kong sentro de grabedad sa ligaw na sulok na ito ng internet.

Naks, ang drama. Basta, mamatay na laha ng nanunulak at naniniko sa MRT!